- Microsoft C5 skráning

Microsoft

Skráning á leyfum fyrir Microsoft C5

	Fylltu inn upplýsingar hér að neðan um þig og leyfið sem þú hefur í höndunum. Vinsamlegast athugið skilmálana sem fylgja þessari skráningu. Vinsamlegast athugið! Leyfiskóðinn getur tekið 1-3 vinnudaga að berast til þín eftir skráningu.

	Almennar upplýsingar
	Nafn leyfishafa		Símanúmer
*		*

	Tengiliður		Faxnúmer
*

	Heimilisfang		Netfang
*		*

	Póstnúmer
*

	Bæjarfélag
*

	Upplýsingar um leyfi
	Samstarfsaðili
*

	C5 light serial number (Af skráningarformi)
*

	Passcode (Af skráningarformi)
*


		Skilmálar Þeir skilmálar sem birtir eru hér að neðan er nauðsynlegt að kynna sér áður en skráningin er kláruð. 1. Umfang leyfisins 1.1 Notkunarréttur 1.1.1 Microsoft veitir hér með leyfishafa ótímabundinn, óframseljanlegan og almennan notkunarrétt á forritinu sem skal vera uppsett á aðeins einum gagnagrunni í einu. 1.1.2 Leyfishafi fær notkunarrétt á forritinu fyrir eftirfarandi notendur: 1) Alla innanhúss notendur, þar á meðal innanhúss notendur í dótturfyrirtækjunum, og 2) Utanaðkomandi notendur, svo fremi sem tilgangurinn sé að fá aðgang að og breyta gögnum leyfishafa. Leyfishafi hefur því ekki með neinum hætti rétt til að leyfa slíkum utanaðkomandi notanda að nota forritið til bókhalds á hans eigin gögnum eða gögnum annarra samstarfsaðila. Fyrir utan þau tilvik sem nefnd eru í þessari grein 1.1.2 hefur leyfishafi engan rétt til að veita aðgang að gögnum leyfishafa eða nokkurs þriðja aðila með hjálp forritsins. 1.1.3 Þegar leyfishafi leyfir innanhúss notendum, þar með töldum notendum í dótturfyrirtækjunum sem eru nefndir í grein 1.1.2, að fá aðgang að forritinu og nota það, eins og tilgreint er í grein 1.1.2, er leyfishafi að öllu leyti ábyrgur fyrir því að þessir notendur brjóti ekki gegn leyfisskilmálunum og að dótturfyrirtækin skuldbindi sig til að fylgja þeim reglum sem af þessum leyfisskilmálum leiðir áður en dótturfyrirtækjunum er veittur aðgangur að forritinu. Ef leyfishafi uppfyllir ekki þessa skyldu ber að líta á það sem brot á þessum samningsskilmálum og heimilar slíkt brot Microsoft að rifta samningi þessum, sbr. grein 9.2.1 og beita öllum öðrum tiltækum réttarúrræðum af því tilefni. 1.2 Aðgerðir 1.2.1 Forritið er staðalvara og það er eingöngu á ábyrgð leyfishafans að sjá til þess að aðgerðir forritsins uppfylli kröfur leyfishafa. 1.2.2 Leyfishafa er heimilt að laga eða á annan hátt breyta forritskóða forritsins svo framarlega sem slíkrar lagfæringar sé þörf vegna þeirrar notkunar forritsins sem tiltekin er í þessum leyfisskilmálum og svo framarlega sem leyfishafi hefur útvegað og í raun borgað fyrir þau verkfæri sem á að nota til að framkvæma slíka lagfæringu eða breytingu, þar sem þess er krafist af Microsoft. 1.3 Uppfærslur 1.3.1 Leyfishafi getur fengið uppfærslur svo framarlega sem þær eru gefnar út af Microsoft. 1.3.2 Í tengslum við innleiðingu á uppfærslum ábyrgist Microsoft ekki með neinum hætti að leyfishafi geti fullnýtt hugsanlegar lagfæringar eða aðrar breytingar sem eru gerðar sem íhlutir í forritskóða forritsins. 1.4 Leyfileg afritun 1.4.1 Leyfishafa er eingöngu heimilt að taka afrit af forritinu í eftirfarandi tilgangi: 1) afrit í varðveislu- eða öryggisskyni, 2) eitt (1) afrit í þróunar- og prófunarskyni og 3) afrit af forritinu ef, og þá því aðeins, að réttinn til að taka slík afrit leiði af ófrávíkjanlegum lagareglum enda beri leyfishafa að öllu leyti fara að slíkum lagareglum. 1.4.2 Notkun framangreindra afrita af forritinu er háð þeim skilyrðum sem koma fram í þessum leyfisskilmálum. 2. Hugverkaréttindi/höfundarréttur 2.1 Microsoft eða leyfisveitandi Microsoft hefur óskoraðan höfundarrétt, leyfi og öll önnur réttindi yfir forritinu. Forritið er verndað með lögum um höfundarrétt og ákvæðum alþjóðlegra sáttmála. Sérhvert brot gegn réttindum Microsoft eða leyfisveitanda Microsoft, þar með talin óeðlileg meðferð, sem gerir það mögulegt fyrir þriðja mann að afrita leyfisskrár/kóða að forritinu, telst vera alvarlegt brot gegn leyfisskilmálunum og heimilar Microsoft að rifta þessum leyfissamningi, sbr. grein 9.2.1, og beita öllum öðrum tiltækum réttarúrræðum af því tilefni. 2.2 Leyfishafi má ekki rjúfa eða breyta neinum leyfisskrám/kóðum. Leyfishafi má ekki heldur breyta eða fjarlægja upplýsingar og/eða athugasemdir um höfundarrétt, vörumerki eða önnur réttindi eða vísanir til slíks í forritinu eða á miðlinum sem forritið skyldi afhent á. 2.3 Leyfishafi má ekki nota vendismíði, sundrun eða bakþýðingu á forritið nema og þá því aðeins að slíkar aðgerðir leyfist samkvæmt ófrávíkjanlegum lagareglum, enda beri leyfishafa að öllu leyti fara að slíkum lagareglum. 3. Brot gegn rétti þriðja manns 3.1 Ef þriðji maður mótmælir notkun leyfishafa á forritinu á grundvelli þess að notkun forritsins brjóti gegn svokölluðum hugverkaréttindum slíks þriðja manns (hér eftir kölluð “krafa vegna brots”) skal Microsoft sjá um vörn leyfishafans gegn slíkri kröfu og skal greiða allan kostnað, skaðabætur og þóknun lögmanns, sem dómstóll úrskurðar endanlega um, að því tilskildu að leyfishafi: 1) gefi Microsoft skriflega skýrslu um kröfu vegna brots strax og leyfishafa verður kunnugt um slíka kröfu, 2) leyfi Microsoft að sjá algerlega um vörnina og allar sáttaumleitanir sem henni tengjast og 3) vinni með Microsoft að vörninni og öllum sáttaumleitunum sem henni tengjast með því að gefa Microsoft þær upplýsingar og liðsinni sem þarf til slíkrar varnar eða sátta. Þrátt fyrir að þau skilyrði sem tilgreind eru í lið 1) til 3) hér að framan séu ekki uppfyllt er Microsoft undir öllum kringumstæðum heimilt, en er þó ekki skyldugt til, að taka til varna gegn kröfu vegna brots á eigin kostnað. Skal leyfishafa send tilkynning um slíkt og ber leyfishafa í kjölfarið að veita Microsoft óafturkræft umboð, svo framarlega sem það er lögfræðilega mögulegt, til að taka við vörninni í dómsmálinu eða málarekstrinum sem er hafinn gegn leyfishafanum og Microsoft getur hafið dómsmál/byrjað málarekstur eða leitað sátta varðandi brotakröfuna. Leyfishafi skal gefa Microsoft nægar upplýsingar eða veita það liðsinni sem þarf til slíkrar varnar eða sátta. 3.2 Þegar kröfu vegna brots hefur verið lögð fram er Microsoft heimilt annaðhvort: 1) að veita leyfishafa rétt til að halda áfram að nota forritið, 2) binda enda á brotið með því að breyta forritinu eða skipta á forritinu og öðrum hugbúnaði sem er í aðalatriðum með sömu aðgerðum og viðkomandi forrit eða 3) segja upp þessum leyfissamningi með skriflegri tilkynningu og borga leyfishafa upphæð sem samsvarar því leyfisgjaldi sem leyfishafinn hefur í raun greitt fyrir leyfið fyrir forritinu. Microsoft er aðeins skyldugt að borga leyfishafanum tilgreinda upphæð ef krafa vegna brots er í raun gerð gegn leyfishafanum innan fimm (5) ára frá undirritun leyfissamnings þessa. Komi fram krafa gegn leyfishafanum vegna brots eftir að þetta tiltekna tímabil er liðið er Microsoft heimilt að segja upp þessum leyfissamningi án þess að borga leyfishafanum neina upphæð. Að öðru leyti en því sem getið er í þessari grein 3.2 ber Microsoft enga ábyrgð og tekur ekki á sig neinar skuldbindingar sem leiða kann af sérhverri kröfu vegna brots og leyfishafi á enga aðra kröfu á hendur Microsoft sem leiðir af slíkri kröfu. Við uppsögn þessa leyfissamnings skal leyfishafi strax hætta notkun forritsins og fara að þeim skilmálum sem tengjast uppsögn, eins og tilgreint er í grein 9.1.1. 3.3 Hin takmarkaða ábyrgð sem er tilgreind í greinum 3.1 og 3.2 gildir ekki ef tilefni brotakröfunnar er slys, misnotkun eða röng notkun. Í slíkum tilvikum ber Microsoft enga ábyrgð. Hafi einhver annar en Microsoft gert einhverskonar breytingu á forritinu eða einhverjum hluta þess ber Microsoft enga ábyrgð á forritinu eða nokkrum hluta forritsins sem breytist eða verður fyrir áhrifum af slíkri breytingu. 4. Takmörkuð ábyrgð 4.1 Að því tilskyldu að leyfishafinn framvísi skriflegum gögnum innan sex (6) mánaða frá undirritun leyfissamnings þessa sem sýna að í meginatriðum virkar forritið ekki í samræmi við rafrænu notendaleiðbeiningarnar sem fylgja því og að alvarleg villa er í forritinu (þ.e.a.s. villa sem gerir það að verkum að ein eða fleiri af helstu viðskiptaaðgerðum er ekki framkvæmanleg vegna þess að villan útilokar notkun forritsins), skal Microsoft annaðhvort 1) afhenda endurgjaldslaust nýja villulausa útgáfu af forritinu, eða 2) leiðrétta villuna án endurgjalds eða 3) endurgreiða það leyfisgjald sem leyfishafinn hefur í raun greitt fyrir forritið. Að öðru leyti en því sem getið er í þessari grein 4.1 ber Microsoft enga frekari ábyrgð á villum sem kunna að vera í forritinu og leyfishafi á enga aðra kröfu á hendur Microsoft vegna slíkra villna. Til leiðréttingar villu teljast leiðbeiningar um notkunarhátt ("krókaleiðir", "work around"), þannig að villan hafi ekki veruleg áhrif á notkun leyfishafa á forritinu. Microsoft ber enga ábyrgð ef villan í forritinu verður vegna afleiðinga af slysi, misnotkun eða rangri notkun. Ennfremur ber Microsoft enga ábyrgð á nokkrum hluta forritsins ef einhver annar en Microsoft gerir nokkurs konar breytingar á einhverjum hluta forritsins sem breytist eða verður fyrir áhrifum af slíkri breytingu. 4.2 Leyfið er veitt fyrir forritinu eins og það er og kemur fyrir og það er að eins miklu leyti og mögulegt er gert með tilliti til laga og Microsoft veitir ekki nfrekari ábyrgð eða tryggingar og viðurkennir ekki aðra skilmála í tengslum við forritið. Leyfishafi hefur þannig engan rétt til að hafa uppi kröfu gegn Microsoft ef í forritinu eru villur eða gallar sem ekki falla undir grein 4.1, og Microsoft leiðréttir það ekki, eða ef rekstur og notkun forritsins gengur ekki án truflana eða villulaust. 5. Takmörkun ábyrgðar 5.1 Microsoft er ekki í neinu tilviki, hverjar sem aðstæður eru, ábyrgt fyrir tapi á áætlaðum hagnaði, gagnamissi, tjóni á skráningum eða gögnum eða nokkurs konar öðru óbeinu, sannanlegu, tilviljunarkenndu tjóni eða öðru afleiddu tjóni eða tjóni (saman kallað “tjónið”) (sem í þessum leyfisskilmálum telst vera, en takmarkast ekki við, missi viðskiptavildar eða tjón sem afleiðing af einhverri annars konar rekstrarlegri truflun) sem verður vegna eða í tengslum við þessa leyfisskilmála eða notkun eða rekstur forritsins eða þjónustuaðgerðir sem því tengjast, óháð því hvort Microsoft hefur verið greint frá möguleikanum á slíku tjóni og óháð því hvort um sé að ræða tjón innan eða utan samninga. Leyfishafi getur þannig ekki krafist, farið fram á eða leitað eftir skaðabótum hjá Microsoft vegna framangreinds tjóns og Microsoft bætir leyfishafa ekki tjón vegna slíkra krafna. 5.2 Að svo miklu leyti sem gildandi lög mögulega leyfa hafnar Microsoft allri skaðsemisábyrgð sem leiðir af tapi eða tjóni á eign sem eðli sínu samkvæmt er ætluð til viðskiptalegra nota. 5.3 Í öllum tilvikum, óháð aðstæðum, er heildarábyrgð Microsoft vegna tjóns eða skaða sem verður vegna eða í tengslum við þessa leyfisskilmála eða notkun eða rekstur forritsins eða þjónustuaðgerðir sem því tengjast takmörkuð við upphæð sem svarar því leyfisgjaldi sem leyfishafi í raun hefur greitt fyrir forritið. 5.4 Microsoft ber hvorki ábyrgð né er skaðabótaskylt vegna leiðréttinga eða breytinga eða neinnar þjónustu og stuðnings við forritið sem leyfishafi sér um sjálfur eða þriðji maður eða söluaðilar Microsoft inna af hendi. Þar að auki ber Microsoft enga ábyrgð eða skaðabótaskyldu vegna vöntunar sem leiðir af utanaðkomandi þáttum, þar á meðal öðrum forritum, eða er afleiðing samþættingar eða samspils forritsins og tölvuumhverfis leyfishafa. 6. Undanskilin ábyrgð 6.1 Þar sem í þessum leyfisskilmálum er tilgreind einhver takmörkun ábyrgðar gildir sú ábyrgðartakmörkun að svo miklu leyti sem gildandi lög mögulega leyfa. Í sumum ríkjum/lögsagnarumdæmum leyfa ófrávíkjanlegar lagareglur ekki undanþágu frá ábyrgð eða takmörkun ábyrgðar, sem getur haft það í för með sér að þær takmarkanir sem hér eru tilgreindar gildi ekki um leyfishafann, hvorki í heild né að hluta. 7. Óviðráðanleg ytri atvik/Force Majeure 7.1 Hvorugur aðilinn ber ábyrgð á tjóni sem hinn verður fyrir sem er bein eða óbein afleiðing af því að annar aðilinn tefst eða er hindraður í að uppfylla skyldur sínar í tengslum við þennan leyfissamning vegna óviðráðanlegra ytri atvika. Undir óviðráðanleg ytri atvik falla m.a. stríð og óeirðir, náttúruhamfarir, verkföll, verkbann, eldsvoði, tjón á framleiðsluhlutum reglur um inn- og útflutning og önnur atvik sem viðkomandi aðili fær ekki við ráðið. 8. Framsal 8.1 Leyfishafi 8.1.1 Leyfishafa er óheimilt að selja/leigja út/lána út eða á annan hátt framselja eða yfirfæra réttinn til notkunar á forritinu eða önnur réttindi eða skyldur samkvæmt þessum leyfisskilmálum til þriðja manns nema Microsoft veiti áður skriflegt samþykki fyrir því. Ef slíkt samþykki fæst fer framsalið fram með þeim hætti sem Microsoft ákveður að skuli hafður á um slíkt framsal. 8.2 Microsoft 8.2.1 Microsoft áskilur sér rétt til að framselja réttindi sín og skyldur í tengslum við þennan leyfissamning, í heild eða að hluta, til félags innan Microsoft samstæðunnar eða til þriðja manns. 9. Lok 9.1 Leyfishafi 9.1.1 Leyfishafa er heimilt að segja upp þessum leyfissamningi og skal tilkynna það Microsoft skriflega með eins (1) mánaðar fyrirvara. Við slíka uppsögn á leyfishafi ekki rétt á að krefjast endurgreiðslu á greiddu leyfisgjaldi. Við slíka uppsögn skal leyfishafi umsvifalaust hætta að nota forritið og eyða forritinu, fjarlægja það og eyðileggja, þar með talið sérhvert afrit af því, nema annað sé ákveðið í ófrávíkjanlegum lagareglum, enda beri leyfishafanum að fylgja slíkum lagareglum að öllu leyti. 9.2 Microsoft 9.2.1 Ef leyfishafi brýtur í verulegum atriðum í bága þessa leyfisskilmála má Microsoft rifta leyfissamningi þessum þegar í stað með skriflegri tilkynningu til leyfishafa og getur krafist bóta í því sambandi samkvæmt gildandi réttarreglum og beita öllum öðrum tiltækum réttarúrræðum af því tilefni. Í slíku tilviki skal leyfishafi þegar í stað hætta að nota forritið og eyða forritinu, fjarlægja það og eyðileggja, þar á meðal öll afrit af því, eins og tilgreint er í grein 9.1.1. 10. Gildi og undanskilin ákvæði 10.1 Ef ákvæði í þessum leyfissamningi er úrskurðað ólögmætt, ógilt eða án lagagildis, skal slíku ákvæði þó framfylgt að svo miklu leyti sem sem gildandi lög framast leyfa, þannig að upprunalegur tilgangur aðila komi fram, og slíkt ákvæði hefur ekki áhrif á lögmæti og gildi annarra ákvæða. 11. Áframhaldandi gildi 11.1 Sérhvert ákvæði í þessum leyfissamningi sem eðli sínu samkvæmt nær fram yfir þann tíma þegar þessum leyfissamningi lýkur skal áfram vera gildandi og bindandi fyrir aðilana. 12. Afsal réttinda 12.1 Þó að annar aðilinn nýti ekki eða frestar því að nýta sér réttindi eða vanefndaúrræði í tengslum við þessa leyfisskilmála eða samkvæmt lögum hefur þessi vannýting eða frestun ekki í för með sér afsal þessara réttinda eða vanefndaúrræða af hálfu þessa aðila. Þó að annar aðilinn noti ekki réttindi eða vanefndaúrræði sem aðila ber í tengslum við þessa leyfisskilmála eða samkvæmt lögum hindrar það ekki þann aðila í að nota þessi réttindi eða vanefndaúrræði aftur eða að nota önnur réttindi eða vanefndaúrræði. 13. Ákvörðun um löggjöf og varnarþing 13.1 Um öll ágreiningsmál sem rísa af notkun þessara leyfisskilmála eða á annan hátt tengjast þessum leyfisskilmálum gilda íslensk ög óháð reglum um ákvörðun um löggjöf og þau eru rekin, þó með undantekningu samkvæmt 13.2, eingöngu fyrirHéraðsdómi Reykjavíkur. Aðilar samþykkja skilyrðislaust valdsvið þessa dómstóls og afsala sér hér með rétti til andmæla gegn þessu. 13.2 Grein 13.1 hindrar Microsoft ekki í að leita eftir eða fá lögbann eða leita eftir öðrum sértækum réttarúrræðum hjá valdbærum dómstólum. Svo framarlega sem lög leyfa getur Microsoft hafið samtímis lögbannsaðgerðir á svo mörgum varnarþingum sem nauðsynlegt er. 14. Samþykki 14.1 Með því að undirrita þennan leyfissamning samþykkir leyfishafi skilyrðislaust að allar upplýsingar sem tengjast viðskiptavinum og Microsoft tekur við á grundvelli samningssambandsins sem ræðst af þessum leyfisskilmálum, þ.e. upplýsingar varðandi forritið, þar á meðal raðnúmer, Nace-númer, nafn leyfishafa, heimilisfang, símanúmer, faxnúmer, tölvupóstfang, veffang, tengiliðarnafn og nafn á söluaðila leyfishafa, má Microsoft samstæðan nota innan samstæðunnar en eingöngu til innri stjórnunar á leyfinu fyrir forritinu. 15. Takmörkuð réttindi bandarískra stjórnvalda Þetta ákvæði er notað ef leyfishafi forritsins er hluti af opinberu bandarísku stjórnvaldi. 15.1 Fyrir stjórnvöld: Forritin (i.) voru þróuð á eigin reikning; eru tölvuhugbúnaður sem er til og enginn íhlutur þeirra var þróaður fyrir opinbert fé; (ii.) eru viðskiptaleyndarmál Microsoft að öllu leyti samkvæmt Freedom of Information Act (lögunum um upplýsingafrelsi); (iii.) eru viðskiptaleg atriði og því, samkvæmt kafla (Section) 12.212 í Federal Acquisition Regulations (FAR), ræðst notkun, fjölföldun eða fræðsla bandarískra stjórnvalda um forritið af þeim ákvæðum sem eru sett fram í stöðluðum viðskiptalegum leyfisskilmálum Microsoft, sem eru felld inn í samninginn eða innkaupapöntunina milli Microsoft og viðkomandi stjórnvaldssstofnunar sem heyrir undir bandarísk stjórnvöld; (iv.) eru að öllu leyti gögn sem háð eru eignarrétti Microsoft; og (v.) eru ekki opinber og allur réttur er áskilinn samkvæmt bandarískum höfundarrétti. 15.2 Varðandi stofnanir sem heyra undir Varnarmálaráðuneytið: forritin eru söluhugbúnaður (og söluhugbúnaðarfylgigögn) og samkvæmt DFAR § 227.7202 ræðst notkun, fjölföldun eða fræðsla um forritin af þeim skilmálum sem eru settir fram í stöðluðum viðskiptalegum leyfisskilmálum Microsoft, sem eru felldir inn í samninginn eða innkaupapöntunina milli Microsoft og viðkomandi stjórnvaldsstofnunar sem heyrir undir bandarísk stjórnvöld; Öll tæknileg gögn sem eru afhent og ekki eru háð framangreindum ákvæðum, teljast vera "tæknileg gögn - viðskiptaleg atriði" samkvæmt DFAR § 252.227-7015(a). Öll notkun, breyting, endurgerð, útgáfa, útfærsla, birting eða fræðsla um slík gögn er háð ákvæðunum í DFAR § 252.227-7015(b). 16. Forgangur 16.1 Þessir leyfissamningur, sem leyfishafinn hefur móttekið á prenti og undirritað í tengslum við kaup leyfishafa á forritinu, eru hin lagalega bindandi útgáfa. Ef eitthvert misræmi er milli innihalds þessa leyfissamnings og innihalds leyfisskilmálanna sem er komið fyrir með rafrænum hætti í forritinu skulu þeir leyfisskilmálar sem fram koma í leyfissamningi þessum og undirritaðir eru á prenti hafa forgang. 17. Skilgreiningar 17.1 Forritskóði Hér er átt við frummálskóða forritsins, þ.e. tilteknar aðgerðir, skjámyndir, töflur og skýrslur, sem mynda hluta forritsins. 17.2 Gagnagrunnur Hér er átt við rafræna einingu sem gögn forritsins eru geymd í. 17.3 Fylgigögn Hér er átt við alla þá rafrænu og prentuðu hjálparmiðla og lýsingar sem eru þróuð af Microsoft Business Solutions fyrir forritið og sem leyfishafi á hverjum tíma hefur notkunarrétt á, og allar lýsingar þróaðar af Microsoft Business Solutions í tengslum við forritið. 17.4 Utanaðkomandi notendur Hér er átt við alla þriðju aðila sem leyfishafi hefur aflað notkunarréttar fyrir og í raun borgað fyrir notkunarrétt á takmörkuðum aðgerðum í forritinu. Slíkir þriðju aðilar eru einstaklingar eða fyrirtæki sem eru ekki innanhúss notendur (svo sem, en ekki eingöngu, viðskiptavinir leyfishafa, birgjar og söluaðilar). 17.5 Innanhúss notendur Hér er átt við starfsmenn eða launamenn sem vinna fyrir leyfishafa eða dótturfélög leyfishafa sem hafa heimild leyfishafa til að nota forritið við vinnu sína fyrir leyfishafa eða dótturfélagið og sem leyfishafi hefur aflað notkunarrétt fyrir eða í raun keypt fyrir notkunarrétt á forritinu. 17.6 Leyfissamningur/Leyfisskilmálar Hér er átt við leyfissamning þennan útgefinn af Microsoft Business Solutions. Þar sem vísað er til „leyfisskilmála” er átt við skilmála/ákvæði leyfissamnings þessa. 17.7 Leyfisskrár/Kóðar Hér er átt við þær skrár/kóða sem, rétt eins og lyklar, opna forritið og gefa leyfishafa aðgang til að nota forritið. 17.8 Microsoft samstæðan Hér er átt við samstæðu félaga sem í eru Microsoft Ireland Operations Limited og dótturfélög þess félags eða tengdra félaga, þar á meðal hugsanleg dótturfélög þeirra. 17.9 Forrit Hér er átt við þá hluta af nýjustu rafrænu óbreyttu stöðluðu útgáfunni af Microsoft hugbúnaðarforriti, þar á meðal uppfærslur og ytri íhluti og vottaðar lausnir, sem eru samþættir og afhentir af Microsoft sem hluti af hugbúnaðarforriti Microsoft, sem leyfishafi á hverjum tíma hefur aflað og í raun greitt fyrir notkunarréttinn á, og öll fylgigögn sem því tilheyra. 17.10 Dótturfyrirtæki Hér er átt við þau fyrirtæki sem leyfishafi ræður út frá eign á meira en 50% hlut eða atkvæðisrétti í slíkum félögum og sem leyfishafi hefur aflað notkunarréttar fyrir eða í raun keypt fyrir notkunarrétt á forritinu og eru tilgreind í Viðauka A við þessa leyfisskilmála. 17.11 Uppfærslur Hér er átt við nýjar útgáfur af forritinu sem Microsoft kann að gefa út. 17.12 Notkun skilgreininganna 17.12.1 Eftir því sem við á felur hver vísun til eintölu einnig í sér vísun til fleirtölu og hver vísun til fleirtölu á einnig við um eintölu og sérhver vísun til eins kyns á við um öll kyn. 17.12.2 Í þessum leyfissamningi er vísun til greinar vísun til greinar í þessum leyfissamningi. 17.12.3 Fyrirsagnirnar í þessum leyfissamningi eru aðeins til glöggvunar og takmarka ekki eða hafa með neinum hætti áhrif á uppbyggingu eða túlkun þessara leyfisskilmála. 1. Umfang uppfærsluáskriftarinnar 1.1 Uppfærsluáskriftin tekur eingöngu til leyfishafans sem hefur notkunarrétt á "forritinu" sem er afhent af Microsoft Microsoft Ireland Operations Limited (hér eftir kallað Microsoft) samkvæmt alþjóðlega forritsleyfissamningnum um forritið (International Program License Agreement, hér eftir kallaður IPLA) og undirrituðum á hverjum tíma af leyfishafa. 1.2 Uppfærsluáskriftin tekur til: (i) Aðgangs að uppfærslum á forritinu til að tryggja eftir því sem Microsoft framast er unnt að landslög séu virt. (ii) Aðgangs að uppfærslum með endurbótum á aðgerðum í forritunum, þegar uppfærslurnar eru gefnar út. (iii) Aðgangs að villulagfæringum á forritunum, þegar villulagfæringarnar eru gefnar út. 1.3 Uppfærsluáskriftina er aðeins hægt að fá fyrir allar staðaleiningar, þar á meðal verkfæraeiningar, stækkun á gagnagrunnsgetunni og allar fjölganir notenda forritsins, sem gerður hefur verið IPLA um, og ekki aðeins hluta af þessu. 2. Gjöld og greiðsla 2.1 Um leið og IPLA er gerður stofnar leyfishafinn uppfærsluáskrift fyrir næsta tólf (12) mánaða tímabil, það er að segja fyrsta áskriftarárið. Áskriftin heldur sjálfkrafa áfram svo framarlega sem henni er ekki sagt upp samkvæmt grein 9.2 í uppfærsluáskriftarskilmálunum. Við lok áskriftarárs reikningsfærist gjaldið fyrirfram fyrir eftirfarandi tólf (12) mánaða tímabil. Gjaldið fyrir uppfærsluáskriftina er samkvæmt verðlista hverju sinni frá þeim samstarfsaðilum sem leyfishafinn fær uppfærslurnar frá. 2.2 Ef umfang IPLA víkkar að einhverju leyti reikningsfærist gjaldið fyrir hið aukna umfang hlutfallslega til loka tímabilsins sem áskriftin gildir, sbr. grein 2.1. 2.3 Þar sem áskriftin er stofnuð beint gegnum Microsoft söluaðila sér söluaðilinn um reikningsfærsluna. 3. Reglur um framkvæmd uppfærsluáskriftarinnar 3.1 Leyfishafinn er skyldugur að fara eftir leiðbeiningum varðandi uppsetningu og notkun uppfærslnanna. 4. Samhæfni uppfærslnanna 4.1 Í tengslum við innleiðingu bráðabóta (hot fixes), þjónustupakka og nýrra útgáfna tekur ekkert félag í Microsoft samstæðunni (með Microsoft samstæðunni er átt við samstæðu félaga sem í eru Microsoft Ireland Operations Limited dótturfélög þess félags, þar með talin hugsanleg dótturfélög þeirra) neina ábyrgð á því að leyfishafi verði fær um að nýta til fulls hugsanlegar breytingar sem leyfishafinn hefur gert eða látið gera í notkunargrunni forritsins eða hlutum þeirra. 4.2 Ekkert félag í Microsoft Business Solutions samstæðunni ábyrgist að almenn samhæfni sé milli bráðabóta, þjónustupakka og nýrra útgáfna eða virkni þeirra eða milli tungumála- og landsaðgerða. 5. Hugverkaréttindi 5.1 Microsoft hefur óskoraðan höfundarrétt, og öll önnur réttindi á forritinu að undanskildum viðbótarforritum sem framleidd eru af þriðja manni, og sem hann hefur öll óskoruð réttindi yfir. Forritið er verndað með lögum um höfundarrétt og ákvæðum alþjóðlegra sáttmála. Sérhvert brot gegn réttindum Microsoft eða réttindum hvers sem er af slíkum seljendum sem eru þriðju menn, þar með talinn óvarkár meðferð forritsins sem gerir það mögulegt að afrita forritið fyrir þriðja mann, telst vera alvarlegt brot á þessum uppfærsluáskriftarskilmálum. 5.2 Leyfishafa er ekki heimilt að brjóta upp eða breyta aðgangskóðum ef einhverjir eru. Leyfishafa er ekki heldur heimilt að fjarlægja upplýsingar í forritinu, eða á þeim miðlum sem það er afhent á, um réttindi, vörumerki og slíkt. 5.3 Höfundarrétturinn sem hér er tilgreindur gildir á sama hátt um allar uppfærslur á forritinu. 6. Ábyrgð og takmörkun ábyrgðar 6.1 Ekkert félag í Microsoft samstæðunni ber í nokkru tilviki, hverjar sem aðstæður eru, ábyrgð á tapi á áætluðum hagnaði, gagnamissi, tjóni á skráningum eða gögnum eða nokkurs konar öðru óbeinu, sannanlegu tilviljunarkenndu tjóni eða afleiddu tjóni (saman kallað “tjónið”) (sem í þessum uppfærsluáskriftarskilmálum telst vera, en takmarkast ekki við, missi viðskiptavildar eða tjón sem er afleiðing af einhverri annars konar rekstrarlegri truflun) í tengslum við notkun forritsins eða nokkurs konar ónægri eða takmarkaðri forritsaðgerð eða þjónustuaðgerðum sem því tengjast, óháð því hvort félagi í Microsoft samstæðunni hefur verið greint frá möguleikanum á slíku tjóni og óháð því hvort skaðinn verður í eða utan samnings. Leyfishafi getur þannig ekki krafist, farið fram á eða leitað eftir skaðabótum hjá Microsoft vegna framangreinds tjóns og Microsoft bætir leyfishafa ekki tjón vegna slíkra krafna. Framangreind takmörkun ábyrgðar gildir einnig um skaðsemisábyrgð sem félag í Microsoft samstæðunni yrði að taka á sig samkvæmt íslenskri réttarvenju sem afleiðingu af tjóni eða skaða á eign sem venjulega er ætluð til nota í viðskiptalegum tilgangi, svo framarlega sem hægt er að víkja frá slíkri ábyrgð í samningi. 6.2 Heildarábyrgð Microsoft samstæðunnar vegna tjóns eða skaða takmarkast í öllum tilvikum, óháð aðstæðum, við það uppfærslugjald sem leyfishafinn hefur greitt fyrir tólf (12) mánaða tímabil samkvæmt uppfærsluáskriftarskilmálunum sem eru grundvöllur ábyrgðarinnar. 6.3 Burtséð frá framangreindum ákvæðum gilda að öðru leyti um þessa uppfærsluáskrift þær takmarkanir á ábyrgð sem eru tilgreindar í IPLA-samningnum. 7. Óviðráðanleg ytri atvik 7.1 Hvorugur aðilinn ber ábyrgð á tjóni sem hinn verður fyrir sem er bein eða óbein afleiðing af því að annar aðilinn tefst eða er hindraður í að uppfylla skyldur sínar í tengslum við þessa uppfærsluáskriftarskilmála vegna óviðráðanlegra ytri atvika. Undir óviðráðanleg ytri atvik falla m.a. stríð og óeirðir, náttúruhamfarir, verkföll, verkbann, eldsvoði, reglur um inn- og útflutning og önnur atvik sem viðkomandi aðili fær ekki við ráðið. 8. Framsal 8.1 Aðilum er óheimilt að framselja eða yfirfæra á nokkurn hátt rétt sinn eða skyldur samkvæmt þessum uppfærsluáskriftarskilmálum nema hinn aðilinn veiti áður skriflegt samþykki fyrir því. Microsoft hefur þó rétt til að framselja réttindi sín og skyldur til félags innan Microsoft samstæðunnar. 9. Gildistími og uppsögn uppfærsluáskriftarinnar 9.1 Uppfærsluáskriftin gildir til loka tólf (12) mánaða tímabils, reiknað eftir dagsetningunni þegar IPLA tekur gildi. 9.2 Ef uppfærsluáskriftinni er ekki sagt upp skriflega með minnst þriggja (3) mánaða fyrirvara fyrir lok tólf (12) mánaða tímabils framlengist hún sjálfkrafa um nýtt tólf (12) mánaða tímabil. 9.3 Ef Microsoft samstæðan hættir þróun forritsins eða einhvers hluta eða útgáfu forritsins er Microsoft samstæðunni heimilt að segja um leið upp tilheyrandi uppfærsluáskrift með þriggja (3) mánaða fyrirvara miðað við mánaðarmót. Í slíku tilviki á leyfishafi ekki rétt á endurgreiðslu á ofgreidda uppfærsluáskriftargjaldinu en leyfishafi á rétt á, til loka uppfærsluáskriftartímabilsins sem upphaflega var samið um, að kaupa hluta af aukalegum aðgangskóðum fyrir ofgreiddu upphæðina með viðbót sem nemur allt að 10% af upphæðinni. 10. IPLA 10.1 Gildandi ákvæði og skilmálar um notkunarrétt á forritunum samkvæmt IPLA gilda einnig um uppfærslurnar. 11. Úrskurður ágreiningsmála 11.1 Þessir uppfærsluáskriftarskilmálar eru háðir íslenskumlögum og skulu túlkaðir samkvæmt þeim. 11.2 Komi upp ágreiningur milli aðilanna skal honum vísað til Héraðsdóms Reykjavíkur. Sláðu inn kóðann hér að ofan: (Ath ! Ef þú getur ekki lesið kóðann á myndinni vinsamlegast endurhlaðið (e. reload) síðuna til að fá nýjann kóða)

* Reitir sem eru merktir verður að fylla út í með viðeigandi upplýsingum

Hafðu samband | |

© 2006 Microsoft corporation. Allur réttur áskilinn. Höfundarréttarákvæði | Friðhelgi & öryggi |Höfundarréttur & leyfi